លោក Setien អ្នកចាត់ការក្រុម Barcelona នៅតែមានទំនុកចិត្តថាក្រុមរបស់ខ្លួនមានឱកាសឈ្នះពាន La Liga នៅរដូវកាលនេះដដែល នៅការប្រកួតចុងក្រោយតែម្ដង។
បច្ចុប្បន្ននេះ ក្រុម Barcelona នៅចាញ់ក្រុម Real Madrid ៤ពិន្ទុ ហើយក្របខណ្ឌ La Liga នេះនៅសល់ការប្រកួត៣ប្រកួតទៀតនឹងចប់រដូវកាលហើយ។ គម្លាតពិន្ទុនេះ លោក Setien នៅតែមានទំនុកចិត្តនិងលើកទឹកចិត្តកូនក្រុមឱ្យប្រឹងប្រែងរហូតដល់នាទីចុងក្រោយ ព្រោះលោកយល់ថា Real Madrid នឹងមានបាត់ពិន្ទុខ្លះមិនខាន។
អ្នកចាត់ការខាងលើនិយាយថា៖ “វាអាចទៅរួចសម្រាប់យើងដែលឈានដល់ការប្រកួតចុងក្រោយជាមួយឱកាសឈ្នះពានរង្វាន់។ ខ្ញុំសង្ឃឹមថានេះជាអ្វីដែលយើងធ្វើបាន។ រឿងជាច្រើនសុទ្ធតែអាចកើតមានក្នុងបាល់ទាត់ យើងនឹងរង់ចាំមើលវាទាំងអស់គ្នា”៕ប្រភព Marca
