ក្រុម Real Madrid បានយកឈ្នះលើក្រុម Alaves ក្នុងលទ្ធផល ២-០ នៅយប់មិញនេះ ធ្វើឱ្យពួកគេបន្ដឈរនៅកំពូលតារាងដដែល ដោយមាន៤ពិន្ទុលើក្រុម Barcelona។
សម្រាប់ការប្រកួតនៅយប់មិញនេះ ក្រុម Real Madrid នៅតែធ្វើបានល្អដដែល បើទោះជាក្រុមរបស់លោក Zidane អវត្តមានខ្សែការពារសំខាន់ដល់ទៅ៣នាក់ក៏ដោយ។ ខ្សែប្រយុទ្ធ Karim Benzema ជាអ្នករកគ្រាប់បាល់នាំមុខបានមុន បន្ទាប់មក Asensio ក៏បន្ថែមគ្រាប់បាល់ទី២ឱ្យក្រុមអធិរាជស យក៣ពិន្ទុក្នុងការប្រកួតសប្ដាហ៍ទី៣៥បានតែម្ដង។
ការប្រកួត La Liga នៅសល់តែ៣ប្រកួតទៀតប៉ុណ្ណោះនឹងបញ្ចប់រដូវកាលនេះហើយ។ គម្លាតពិន្ទុ៤ពិន្ទុនេះ គឺអាចធ្វើឱ្យក្រុម Real Madrid មានសង្ឃឹមច្រើនក្នុងការគ្រងជើងឯក ជាងក្រុម Barcelona ៕ប្រភព Dailymail