ក្រុម Liverpool កំពុងបារម្ភថាប្រធានក្រុម Jordan Henderson អាចនឹងអវត្តមានរយៈពេលយូរ ដោយសារតែរបួសដាច់សរសៃជង្គង់របស់ខ្លួន កើតឡើងអំឡុងការប្រកួតទល់ Brighton ។
ក្រុម Liverpool បានយកឈ្នះលើក្រុម Brighton ក្នុងលទ្ធផល ៣-១ កាលពីពេលកន្លងទៅនេះ ប៉ុន្តែក្នុងការប្រកួតនោះ Henderson បានរងរបួសធ្ងន់ធ្ងរ។ បញ្ហាជង្គង់នេះ កើតឡើងធ្វើឱ្យក្រុមលោក Klopp បារម្ភជាខ្លាំង ព្រោះវាអាចនឹងប្រើពេលយូរដើម្បីព្យាបាល ខណៈដែលការប្រកួតលីគរដូវកាលថ្មីនឹងបើកលឿនជាងធម្មតា។ បើតាមប្រភពបញ្ជាក់ថារបួសនេះ ប្រើពេលព្យាបាលយ៉ាងតិចបំផុត៨សប្ដាហ៍ឯណោះ។
សូមបញ្ជាក់ថាក្រុម Liverpool បានក្លាយជាជើងឯកលីគកំពូលអង់គ្លេសនារដូវកាលនេះហើយ ដោយការប្រកួតដែលនៅសល់៤ប្រកួតទៀតនោះគ្រាន់តែបង្គ្រប់កិច្ចប៉ុណ្ណោះ។ សម្រាប់លីគរដូវកាលថ្មី នឹងចាប់ផ្ដើមនៅថ្ងៃទី៥ខែកញ្ញាឆ្នាំ២០២០នេះតែម្ដង ពោលគឺនៅសល់ពេលត្រឹម២ខែទៀតប៉ុណ្ណោះ៕ប្រភព Dailymail