លោក Jose Mourinho មិនសប្បាយចិត្តជាមួយ VAR ទៀតហើយ បន្ទាប់ពីវីដេអូជំនួយអាជ្ញាកណ្ដាលនេះ មិនផ្ដល់បាល់ប៉េណាល់ទីឱ្យទៅ Kane ដែលដួលនៅប្រអប់គ្រោះថ្នាក់។
ក្រុម Spurs លេងបានត្រឹមស្មើជាមួយ Bournemouth ក្នុងលទ្ធផល ០-០ ប៉ុណ្ណោះក្នុងការប្រកួត Premier League នៅយប់មិញនេះ។ លទ្ធផលស្មើនេះដែរ បានធ្វើឱ្យលោក Jose Mourinho អ្នកចាត់ការក្រុមមិនសប្បាយចិត្តនោះទេ ព្រោះលោកមើលឃើញថាបច្ចេកវិទ្យា VAR មិនបានផ្ដល់យុត្តិធម៌ដល់ក្រុមខ្លួនឡើយ។
ដោយខាងក្រុមBournemouth បានបង្កកំហុសលើខ្សែប្រយុទ្ធ Harry Kane យ៉ាងច្បាស់ក្រឡែត ប៉ុន្តែបែរជាអាជ្ញាកណ្ដាលមិនបានផ្ដល់បាល់ប៉េណាល់ទីនោះទៅឱ្យខាង Spurs នោះទេ។ លោក Jose បាននិយាយថា៖ “គ្រប់គ្នានៅលើលោកនេះ សុទ្ធតែបានឃើញច្បាស់ថាវាគួរតែបានបាល់ប៉េណាល់ទី។ ខ្ញុំនិយាយថាគ្រប់គ្នា គឺគ្រប់តែម្ដងដែលបានឃើញកំហុសនេះ។ វាមិនមែនតែគំនិតរបស់ខ្ញុំទេ ប៉ុន្តែគ្រប់គ្នាសុទ្ធតែបានឃើញ”៕ប្រភព Skysports