ក្រុមបិសាចក្រហម Manchester United បន្ដដំណើរឈ្នះរបស់ខ្លួនទៀតហើយ ដោយបំបាក់ក្រុម Aston Villa ក្នុងលទ្ធផល ៣-០ នៅយប់មិញនេះ។
ទម្រង់លេងរបស់លោក Ole ឃើញថាកាន់តែល្អឡើងពីមួយប្រកួតទៅមួយប្រកួតហើយ។ ជាក់ស្ដែងនៅយប់មិញនេះ កីឡាករសំខាន់ Bruno នៅតែបន្ដបង្ហាញសមត្ថភាពល្អរបស់ខ្លួន ដោយរកបាន១គ្រាប់បើកឆាកដោយការទាត់ប៉េណាល់ទី មុនពេល Greenwood កីឡាករជំនាញកម្លាំងជើង ថែមបានគ្រាប់ទី២ទៀត។ ដោយគ្រាប់ទី៣វិញ កើតឡើងដោយ Bruno បោះឱ្យ Pogba ស៊ុតបញ្ចូលទី។
ទទួលបាន៣ពិន្ទុពេញនេះទៀត ក្រុម Man Utd កាន់តែមានសង្ឃឹមចូល Top4 មែនទែនហើយ។ ពួកគេនៅចាញ់ក្រុមលេខ៤ Leicester City តែ១ពិន្ទុប៉ុណ្ណោះ ហើយការប្រកួតនៅសល់៤ប្រកួតទៀត ទើបចប់រដូវកាលនេះ៕ប្រភព Dailymail
