ក្លិបបាល់ទាត់ភ្នំពេញក្រោនបានប្រកាសក្នុងគេហទំព័រផ្លូវការរបស់ខ្លួនថាសាលាបាល់ទាត់ហ្វឹកហាត់ក្រុមយុវជនរបស់ក្លិបបើកឡើងវិញហើយគឺចាប់តាងពីថ្ងៃទី០៦ខែកក្កដាមកម្ល៉េះ។
តាមរយៈការចាប់ផ្តើមសារជាថ្មីនេះ គ្រូបង្វឹកនៃក្រុមនីមួយៗនឹងធ្វើការទំនាក់ទំនងទៅកាន់សិស្សដោយផ្ទាល់តែម្តង ដើម្បីបញ្ជាក់ច្បាស់ពីការវិលត្រលប់មកហ្វឹកហាត់នេះ ។
អ្វីដែលកាន់តែពិសេសជាងនេះទៅទៀតនោះ ថ្នាក់ដឹកនាំក្លឹបបាល់ទាត់ភ្នំពេញក្រោននឹងផ្តល់ជូនការសិក្សាមិនគិតថ្លៃរយៈពេលមួយខែ ពោលគឺខែកក្កដានេះផ្ទាល់តែម្តង ដើម្បីជាការប៉ះបូវសម្រាប់ការឈប់សម្រាកនាពេលកន្លងមក ។
អាស្រ័យដូចបានជម្រាបជូនខាងលើសូមក្រុមកីឡាករសហគមន៍ និងក្រុមអេលីតទាំងអស់ ត្រៀមខ្លួនក្នុងការហ្វឹកហាត់ទៅតាមក្រុមរបស់ខ្លួនឡើងវិញ ៕