ក្រោយការប្រកួតចប់មុននេះបន្តិច ក្នុងពានរង្វាន់ Hun Sen Cup វគ្គ៨ក្រុមចុងក្រោយជើងទី២ក្រុមខេត្តកែប និងខេត្តត្បូងឃ្មុំបានឡើងទៅវគ្គពាក់កណ្ដាលផ្ដាច់ព្រ័ត្រហើយបន្ទាប់ពីយកឈ្នះគូប្រកួតរៀងៗខ្លួន។
កែបឡើងទៅវគ្គ៤ក្រុមចុងក្រោយនេះដោយសារការយកឈ្នះក្រុមខេត្តកំពង់ឆ្នាំងដោយលទ្ធផលទាំងពីរជើង ៦ទល់៤ បន្ទាប់ពីឈ្នះនៅជើងទីនេះបន្ថែមទៀត២ទល់១។ កាលពីជើងទី១ក្នុងទឹកដីខេត្តកែប ម្ចាស់ផ្ទះបានយកឈ្នះក្នុងលទ្ធផល៤ទល់៣។លទ្ធផលបែបនេះ បានធ្វើឲ្យកែបឡើងទៅវគ្គ៤ក្រុមចុងក្រោយដែលមានខែត្រ សៀមរាប នឹងព្រៃវែងដែលឡើងទៅចាំកាលពីម្សិលមិញ។
មួយគូចុងក្រោយគឺខេត្កត្បូងឃ្មុំបានយកឈ្នះក្រុមខេត្តកំពង់ស្ពឺក្នុងលទ្ធផលសរុបទាំងពីរជើង៣ទល់១ ខណៈជើងទីពីរនេះស្មើគ្នាក្នុងលទ្ធផល១ទល់១។កាលពីជើងទីមួយប្រកួតនៅទឹកដីខេត្តកំពង់ស្ពឺ ត្បូងឃ្មុំបានយកឈ្នះ២ទល់០។
អីចឹង! ក្រុមដែលត្រូវតតាំងគ្នានៅវគ្គពាក់កណ្ដាលផ្ដាច់ព្រ័ត្រពានរង្វាន់សម្ដេច ហ៊ុន សែនគឺព្រៃវែង សៀមរាប ត្បូងឃ្មុំ និងខេត្តកែប៕
រូបភាព៖ CNCC