ក្រុមកាំភ្លើងធំ Arsenal បានទាញក្រុម Leicester City ឱ្យធ្លាក់មកលេខ៤ក្នុងតារាង Premier League ហើយក្រោយពីលេងស្មើ ១-១ នៅយប់មិញនេះ។
ខ្សែប្រយុទ្ធកំពុងឡើងជើង Aubameyang ជាអ្នករកគ្រាប់បាល់នាំមុខឱ្យក្រុម Arsenal នៅនាទី៣១ ប៉ុន្តែវាមិនមែនជាគ្រាប់បាល់ជ័យជម្នះឡើយ។ ដោយនាទី៧៥ កីឡាករ Nketiah ក៏ទទួលបានកាតក្រហម ហើយសល់ត្រឹមគ្នា១០នាក់នេះ ក៏ត្រូវ Leicester City តាមបានស្មើវិញ ដោយ Vardy ធ្វើបានសម្រេចនៅនាទី៨៥ ជិតនឹងចប់ការប្រកួតទៅហើយ។
លទ្ធផលស្មើគ្នា១-១ នេះបានធ្វើឱ្យ Leicester City ធ្លាក់មកលេខ៤ក្នុងតារាង Premier League ហើយព្រោះ Chelsea ដែលឈ្នះក្រុម Crystal Palace ហក់ឡើងទៅលេខ៣វិញ មាន៦០ពិន្ទុ ខណៈដែលក្រុម Leicester City មាន៥៩ពិន្ទុ។ សម្រាប់ Arsenal វិញ នៅលេខ៧ក្នុងតារាងមាន៥០ពិន្ទុ។ ការប្រកួតនៅសល់៤ប្រកួតទៀត នឹងចប់រដូវកាលនេះ៕ប្រភព Dailymail