ក្រុម Spurs របស់លោក Jose Mourinho បានយកឈ្នះលើក្រុម Everton បានក្នុងលទ្ធផល ១-០ នៅយប់មិញនេះ ក្នុងការប្រកួត Premier League សប្ដាហ៍ទី៣៣។
១គ្រាប់ដែលជួយយក៣ពិន្ទុឱ្យក្រុម Spurs នេះ គឺជាបាល់ចូលទីខ្លួនឯងរបស់ Keane នៅនាទី២៤។ ខណៈដែលការប្រកួតនេះ គេសង្កេតឃើញរឿងមួយកើតឡើងក្នុងសមាជិកក្រុម Spurs ពោលគឺការប៉ះទង្គិចគ្នារវាង Son និង Lloris តែម្ដង។ អ្នកចាំទី Lloris បានរុញ Son អំឡុងចប់តង់ទី១ ក្រោយខ្សែប្រយុទ្ធកូរ៉េខាងត្បូងនេះ មិនព្រមចុះជួយក្រុមនៅខាងក្រោមឱ្យលឿន។
តែបន្ទាប់ពីចូលបន្ទប់ផ្លាស់សំលៀកបំពាក់ទៅ អ្វីគ្រប់យ៉ាងក៏ត្រលប់មករកភាពធម្មតាវិញ រវាងកីឡាករទាំងពីរនេះ។ លោក Jose បាននិយាយពីការប៉ះទង្គិចគ្នានេះថាជាចំណុចពិសេសទៅវិញ ព្រោះពួកគេទាំងពីរនាក់បានបង្ហាញពីការតាំងចិត្តជួយក្រុម និងប្រឹងប្រែងឱ្យអស់ពីសមត្ថភាពដើម្បីទទួលបានលទ្ធផលឈ្នះ៕ប្រភព Dailymail