ក្រុមព្រះខ័នរាជស្វាយរៀងបានឡើងមកឈរកំពូលតារាងហើយក្រោយចប់ការប្រកួតក្នុងសប្ដាហ៍ទី៦នេះបន្ទាប់ពីយកឈ្នះក្រុមយុវជនសាលាបាល់ទាត់ជាតិបាទីវ័យក្រោម១៨ឆ្នាំក្នុងលទ្ធផល១០ទល់០ហើយភ្នំពេញក្រោនដែលកាន់កាប់កំពូលតារាងកាលពីដើមរដូវកាលរហូតមកនោះ បានត្រឹមស្មើក្រុមវិសាខាក្នុងលទ្ធផល២ទល់២។
តាមរយៈលទ្ធផលការប្រកួតទាំងអស់ក្នុងសប្ដាហ៍នេះ ព្រះខ័នរាជស្វាយរៀងឡើងឈរកំពូលតារាង បន្ទាប់ពីឆ្លងកាត់៦ប្រកួតឈ្នះ៥និងស្មើមួយ១មាន១៦ពិន្ទុរួមជាមួយគ្រាប់បាល់ចំណេញ២១គ្រាប់ លើសក្រុមភ្នំពេញក្រោនដែលធ្លាក់មកលេខ២មាន១៤ពិន្ទុឆ្លងកាត់៦ប្រកយតឈ្នះ៤និងស្មើ២ប្រកួត។
បឹងកេតនិងណាហ្គាឡើងមកឈរលេខ២និង៤បន្តបន្ទាប់គ្នាក្រោយពេលទទួលបានលទ្ធផលឈ្នះសូទីលឡូអង្គរ និងក្រុមទ័ពរៀងៗខ្លួនមាន១១ពិន្ទុដូចគ្នាដោយឆ្លងកាត់៥ប្រកួតដូចគ្នាឈ្នះ៣និងស្មើ២។
និយាយអំពីអ្នករកគ្រាប់បាល់ច្រើនជាងគេវិញ! កីឡាករ Araujo Pinheiro Pedro Augusto បានឡើងមកឈរកំពូលតារាងអ្នកស៊ុតបញ្ជូលទីច្រើនជាងគេក្នុងសប្ដាហ៍នេះទី៦ដោយមាន ៩គ្រាប់ក្នុងដៃ លើសខ្សែប្រយុទ្ធភ្នំពេញក្រោន កីឡាករ Okereke Timothy Chiemerie ដែលរក្សា៧គ្រាប់ដដែល៕