ក្នុងការប្រកួតដំបូងនៃក្របខណ្ឌលីគកំពូលកម្ពុជារដូវកាល ២០២០ បន្ទាប់ពីឈប់សម្រាក់មួយរយៈពេលដោយសារជំងឺ COVID-19 ក្លិបភ្នំពេញក្រោន ជាម្ចាស់ផ្ទះកាលពីម្សិលមិញបានត្រឹមលទ្ធផលស្មើរ ២ទល់២ ប៉ះក្រុមភ្ញៀវ ក្លិបវិសាខា ។
ទោះបីជាយ៉ាងនេះក្ដី! ក្រោយចប់ការប្រកួតអ្នកចាំទី អ៊ុំ វិចិត្របានបង្ហាញអារម្មណ៍មិនពេញចិត្តចំពោះគ្រាប់បាល់ទី២របស់វិសាខានោះទេ ហើយរូបគេថាក្រុមកីឡាកររបស់ខ្លួនលេងពេញអស់ពីបេះដូងតែម្ដង។
« ការប្រកួតម្សិលមិញនេះពួកយើងលេងដោយមានឆន្ទៈខ្ពស់ណាស់ ដូចយើងឃើញស្រាប់ហើយគេនាំមុខយើងពីរលើក ក្រុមរបស់យើងមិនចុះចាញ់នៅតែបន្តលេង ខ្ញុំគិតថាពួកគាត់មិនមែនលេងត្រឹម១០០ភាគរយនោះទេ គឺពួកគាត់លេងពី១១០ភាគរយ ទៅ១២០ភាគរយ ពោលគឺពួកគាត់យកបេះដូងមកលេងតែម្តង » ។
អ្នកចាំទីរូបនេះបានបន្តទៀតថា៖« ចំពោះការរបូតគ្រាប់បាល់មិនមែនជាបញ្ហាធំដុំនោះទេ ព្រោះធម្មតាអ្នកចាំទីមិនដែលគេមិនស៊ុតចូលនោះទេ » ។