ខ្សែបម្រើកាន់ឆ្នាំរបស់ Man Utd គឺកីឡាករ Juan Mata ត្រូវបានគេរាយការណ៍ថាត្រៀមនឹងចាកចេញពីក្លឹបហើយនៅរដូវក្តៅឆ្នាំ ២០២០ នេះ ដោយទ្រនំថ្មីរបស់គេអាចជាក្លឹប Fenerbahce នៅលីគ Super Lig Club របស់ប្រទេសទួរគី។
កីឡាករអេស្ប៉ាញត្បិតបើជាកីឡាករដែលមានគុណភាពមួយរូបក្តី ប៉ុន្តែនៅរយៈពេលចុងក្រោយ បន្ទាប់ពី United យកបាន Bruno Fernandes តំណែងរបស់ Mata កាន់តែស្ដួចស្ដើងទៅ ពោលគឺត្រឹមជាកីឡាករបម្រុងត្រៀមជំនួសគេម្នាក់តែប៉ុណ្ណោះ។
ប្រភពពី Sansursuz Futbol បានចុះផ្សាយ កីឡាករវ័យ ៣២ ឆ្នាំចាប់អារម្មណ៍ការផ្ទេរទៅក្លឹបនៅទួរគីនោះដូចគ្នា ប៉ុន្តែដោយសារកុងត្រារបស់គេនៅសេសសល់ជាមួយ United រយៈពេល ១ ឆ្នាំ បែបនេះក៏រុញឲ្យក្លឹប Fenerbahce ចាំបាច់ត្រូវចាយលុយមួយផ្នែកផងដែរ៕
ប្រភព៖ SportBible