ក្រុម Athletic Club នឹងត្រូវប៉ះក្រុម Real Madrid នៅម៉ោង៧ល្ងាចនេះហើយ ក្នុងការប្រកួត La Liga សប្ដាហ៍ទី៣៤។មុនការប្រកួតនេះចាប់ផ្ដើម Yuri Berchiche កីឡាកររបស់ក្រុម Athletic Club បាននិយាយថាក្រុម Real Madrid ជាក្រុមល្អបំផុតនាពេលបច្ចុប្បន្ននេះ។ ក្រោមការដឹកនាំរបស់ Zidane ក្រុមនេះកំពុងធ្វើបានល្អ និងមានឆន្ទៈក្នុងការប្រយុទ្ធខ្លាំងមែនទែន។ បូកផ្សុំជាមួយសមាជិកទាំងអស់សុទ្ធតែល្អៗថែមទៀត ទើបធ្វើឱ្យពួកគេបច្ចុប្បន្ននេះអាចឈរនៅកំពូលតារាងបាន។
និយាយពីការប្រកួតនៅយប់នេះដែរ ក្រុមរបស់លោក Zidane នឹងមិនមានវត្តមានរបស់ Eden Hazard ឡើយ ដោយសារតែរូបគេឈឺកជើងបន្តិចបន្ដួច។ លោក Zidane នឹងមិនប្រថុយដាក់រូបគេឱ្យចូលលេងឡើយ ព្រោះខ្លាចមានរបួសកាន់តែធ្ងន់ធ្ងរថែមទៀត៕