ក្រុមបិសាចក្រហម Manchester United បានយកឈ្នះលើក្រុម Bournemouth ក្នុងលទ្ធផល ៥-២ ក្នុងការប្រកួត Premier League នៅយប់មិញនេះ នាសប្ដាហ៍ទី៣៤។សម្រាប់ការប្រកួតនេះដែរ ឃើញថាទម្រង់លេងរបស់ក្រុមបិសាចក្រហមកាន់តែល្អឡើងទៅហើយ ជាពិសេសគេសង្កេតឃើញយុវជន Greenwood តែម្ដង។ ខ្សែប្រយុទ្ធវ័យ១៨ឆ្នាំរូបនេះបន្ដរកគ្រាប់បាល់បានទៀតហើយ ដោយយប់មិញសម្រេចទីបានដល់ទៅ២គ្រាប់ឯណោះ។ ២គ្រាប់នេះដែរ កើតចេញពីជើងឆ្វេង១គ្រាប់និងស្ដាំមួយគ្រាប់ ហើយសុទ្ធតែស៊ុតដោយបច្ចេកទេសទាំងអស់។
សមត្ថភាពលេងឡើងលឿននេះហើយ ទើបបានធ្វើឱ្យលោក Ole ផ្ដល់ទំនុកចិត្តដល់រូបគេកាន់តែខ្លាំងឡើង។ ហើយអនាគតរបស់គេក៏អាចនឹងនៅលេងឱ្យ Man Utd ច្រើនឆ្នាំទៀតដែរ។ អ្នកវិភាគជាច្រើនមើលឃើញថា Greenwood នេះ នឹងក្លាយជាកីឡាករសំខាន់ម្នាក់សម្រាប់ក្រុម Man Utd ជាក់ជាមិនខាននៅពេលអនាគត៕
ប្រភព៖ DailyMail