Xavi បានយល់ព្រមមកដឹកនាំក្រុម Barcelona ហើយនៅរដូវកាលក្រោយ ប្រសិនណាបើក្លឹបសម្រេចចិត្តបណ្ដេញលោក Setien ចោលមែន។
លោក Setien កំពុងរងសម្ពាធខ្លាំងក្រោយពីដឹកនាំក្រុមស្មើច្រើនប្រកួតមកនេះ រហូតដល់ក្រុមបច្ចុប្បន្នចាញ់ពិន្ទុដៃគូប្រជែង Real Madrid ដល់ទៅ៤ពិន្ទុហើយ។ មួយវិញទៀត ក៏មានដំណឹងថាកន្លងទៅនេះ រូបលោកមានបញ្ហាជាមួយកីឡាករ ជាពិសេស Lionel Messi ផង ទើបបានជាកៅអីក្ដៅខ្លាំងបែបនេះ។
ជាមួយគ្នានេះដែរ ប្រភពនៅអេស្ប៉ាញបានបង្ហើបទៀតថាលោក Xavi ដែលជាវីរបុរសរបស់ក្រុមនោះ បានយល់ព្រមនិងត្រៀមខ្លួនជាស្រេចហើយក្នុងការចូលខ្លួនដឹកនាំក្រុម Barcelona បន្ដ។ ប្រសិនណាបើក្រុមបណ្ដេញលោក Setien ចេញពេលណា ហើយទាក់ទងលោកទៅដឹកនាំ នោះនឹងយល់ព្រមភ្លាមតែម្ដង៕ប្រភព៖ Dailymail