ក្រុមកាំភ្លើងធំ Arsenal កំពុងចរចាបន្ដកុងត្រាឱ្យខ្សែប្រយុទ្ធ Aubameyang ឱ្យបន្ដលេងនៅទឹកដី Emirate ទៀត ក្រោយពីកុងត្រារបស់គេកៀកនឹងអស់សុពលភាពហើយ។
Aubameyang សល់កុងត្រាត្រឹមតែ១ឆ្នាំទៀតប៉ុណ្ណោះ ហើយបច្ចុប្បន្ននេះលោក Arteta ដែលជាអ្នកចាត់ការក្រុមកាំភ្លើងធំកំពុងចរចាបន្ដកុងត្រាទៀតហើយ។ អតីតកីឡាករ Dortmund លើកុងត្រាថ្មីរបស់គេ គឺទាមទារតំឡើងប្រាក់ឈ្នួលដល់២៥០ ០០០ផោនក្នុង១សប្ដាហ៍ និងកុងត្រារយៈពេល៣ឆ្នាំឡើងទៅ។ កត្ដាប្រាក់ឈ្នួលខ្ពស់នេះហើយ ទើបជារឿងដែលពិបាកសម្រាប់ក្រុម Arsenal ស្របពេលរដូវកាលក្រោយ ពួកគេមិនទាន់ច្បាស់ថាអាចលេងពាននៅអឺរ៉ុបឬអត់នោះទេ។
កីឡាករវ័យ៣១ឆ្នាំលេងឱ្យក្រុម Arsenal បាន១០១ប្រកួត និងរកបាន៦៣គ្រាប់មកហើយ។ ដោយសារតែសល់កុងត្រាតែ១ឆ្នាំនេះហើយ ពេលនេះក្រុមជាច្រើនមានទាំង Real Madrid និង Inter Milan សុទ្ធតែមានបំណងចង់បានរូបគេទៅលេងនៅរដូវកាលក្រោយ៕ប្រភព៖ Dailymail