អនុប្រធានជាន់ខ្ពស់របស់ក្លឹប Newell’s Old Boys លោក Cristian D’Amico បានបើកដៃស្វាគមន៍ Lionel Messi ក្រោយល្ហៀងៗថាបុរសសញ្ជាតិអាហ្សង់ទីនមានបំណងចង់ចាកចេញពីក្លឹប Barcelona។
Messi ធ្លាប់ជាអតីតកីឡាកររបស់ Newell’s Old Boys កាលពីនៅវ័យកុមារភាព មុនផ្ទេរមកកាន់ក្លឹប Barcelona។
ប្រាប់ TNT Sports លោក D’Amico និយាយ៖ “ខ្ញុំមិនដឹងថារឿងហ្នឹងវាអាចទៅរួចឬអត់ទេ ពោលគ្រប់យ៉ាងគឺស៊ីសងលើសាមីខ្លួនផ្ទាល់ និងគ្រួសាររបស់គាត់ ដោយនាមខ្ញុំជាអ្នកគ្រប់គ្រងមួយរូប គឺមានតែផ្ដល់ជូនព័ត៌មានតាមដែលអាចធ្វើទៅបាន ដើម្បីជួយដល់ការសម្រេចចិត្តរបស់គាត់ ព្រោះដូចកាល Diego Maradona មក Newell’s អ៊ីចឹងគ្មាននរណាគិតដល់រឿងហ្នឹងទេ”។
លោកបន្ថែម៖ “ខ្ញុំសង្ឃឹមថាសម្រាប់រឿងរបស់ Leo គឺអាចនឹងកើតឡើងស្រដៀងគ្នាដែរ បែបនេះពេលវេលានឹងបង្ហាញឲ្យយើងឃើញ អ៊ីចឹងយើងមានតែរង់ចាំមើល”។
បញ្ជាក់ថានារដូវកាល ២០១៩/២០ ខ្សែប្រយុទ្ធ Barcelona រកបាន ២៤ គ្រាប់និង Assist ២០ លើកឲ្យក្លឹប៕ ប្រភព៖ Sportsmole