ក្រុមយក្ស Bayern Munich បានសុំទោសក្រុម Manchester City ដែលខ្លួនបានធ្វើឱ្យបែកធ្លាយរូបភាព Sane ចុះកិច្ចសន្យា ខណៈដែលទីផ្សារដោះដូរកីឡាករមិនទាន់បើកផ្លូវការ។
ក្លឹប Bayern Munich បានបង្ហោះរូបភាពរបស់ Sane ពាក់អាវនិងចុះកិច្ចសន្យាជាមួយពួកគេកាលពីម្សិលមិញនេះ។ ការបង្ហោះរូបទាំងដែលការផ្ទេរមិនទាន់សម្រេចជាផ្លូវការនិងរដូវកាលដោះដូរកីឡាករមិនទាន់បើកផងនោះ ទើបធ្វើឱ្យក្រុម Man City មិនពេញចិត្តចំពោះទង្វើនេះឡើយ។ ដោយមើលឃើញបែបនេះហើយ ទើបក្រុម Bayern Munich ធ្វើការសុំទោសជាផ្លូវការមួយចំពោះកំហុសរបស់ខ្លួន។
សូមបញ្ជាក់ថាក្រុម Man City បានសម្រេចលក់ Sane ទៅឱ្យក្រុម Bayern Munich ហើយក្នុងតម្លៃ៥៥លានផោន ក្រោយពីការចរចាគ្នាត្រូវ។ កីឡាករអាល្លឺម៉ង់នេះ សម្រេចចិត្តចេញពី Man City ក៏ព្រោះតែរូបគេចង់បានកន្លែងលេងឱ្យទៀងទាត់៕ប្រភព Dailymail