ប៉ុន្មានប្រកួតចុងក្រោយនេះ ក្លឹបបិសាចក្រហម Manchester United បានបង្កើតភាពជោគជ័យជាច្រើនដែលជួយឲ្យក្លឹបកាន់តែរំកិលខ្លួនខ្ពស់ជាងមុនក្នុងការប្រកួតប្រជែងនៅតំណែង Top 4។
ទន្ទឹមនេះ ជើងចាស់លោក Gary Neville ក៏បានបង្ហាញការយល់ឃើញបន្ថែមអំពីទម្រង់លេងដ៏ល្អរបស់ United ហើយបានបញ្ចេញមតិពាក់ព័ន្ធនឹងគោលដៅដែល United ចង់ប្រជែងជាមួយ Liverpool សម្រាប់ពាន PL។
លោក Neville និយាយ៖ “ក្រុមនេះ [Man Utd] បានក្លាយជាក្រុមមួយដូចកាលពី ២ ឆ្នាំវិញហើយ ប៉ុន្តែពួកគេនៅតែត្រូវមានការពង្រឹង ជាពិសេសនៅទីផ្សារដោះដូរដែល United ត្រូវមានមហិច្ឆតាខ្ពស់ ជាមួយតម្រូវការបន្ថែមទៀត នោះគឺការទិញចូលកីឡាករ ៣ ឬ ៤ បន្ថែមទៀតដែលល្អដូចជា Bruno Fernandes ដើម្បីជួយឲ្យក្រុមអាចឈានដល់កម្រិតប្រកួតប្រជែង”។
បញ្ជាក់ថា Liverpool កំពុងនាំមុខដាច់ពិន្ទុនៅតារាង PL ស្របពេល United មាន ៥២ ពិន្ទុនៅចាញ់ពីរពិន្ទុធៀបនឹង Chelsea សម្រាប់រំកិលខ្លួនចូលចំណាត់ថ្នាក់ Top 4៕
ប្រភព៖ Metro