Mesut Ozil ត្រូវបានគេស្គាល់ថាជាកីឡាករដែលរកចំណូលបានច្រើនបំផុតនៅក្លឹប Arsenal ដោយមួយសប្តាហ៍រូបគេទទួលបានដល់ទៅ ៣៥០ ០០០ ផោនឯណោះ។
ត្បិតបើស៊ីថ្លៃពលកម្មខ្លាំង តែបើមើលតម្រូវរបស់ក្លឹបហាក់មានតិចបំផុត ពោលគឺលោក Mikel Arteta មួយរយៈចុងក្រោយមិនសូវដាក់កីឡាកររូបនេះឲ្យចូលលេងទាល់តែសោះ។
បញ្ជាក់ជុំវិញរឿងរ៉ាវនេះ Arteta បានសង្កត់ធ្ងន់ថា៖ “ខ្ញុំមិនដែលគិតបែបហ្នឹងទេ [មិនដែលគិតពីរឿងថ្លៃពលកម្មទេ] ដោយវាជាកិច្ចព្រមព្រៀងរវាងភាគីកីឡាករនិងក្លឹប ដោយខ្ញុំគីតថាពួកគេទទួលបាននូវប្រាក់ឈ្នួលដែលសក្តិសមនឹងទទួលបាន ពោលមិនមែនជាចំណុចដែលខ្ញុំត្រូវវាយតម្លៃដើម្បីជ្រើសយកកីឡាករណាម្នាក់ឡើយ”។
លោកបន្ថែមថា៖ “ខ្ញុំចង់ឲ្យកីឡាករទាំងអស់របស់ខ្ញុំគេឈានដល់កម្រិតដ៏ល្អបំផុត និងមានសមត្ថភាពគ្រប់គ្រាន់ក្នុងការឲ្យខ្ញុំជ្រើសយកពួកគេមកចូលរួមការប្រកួតតាមដែលអាចធ្វើទៅបាន នោះជារឿងតែមួយគត់ដែលខ្ញុំបានគិត”៕
ប្រភព៖ Goal