ក្រុមយក្សអាល្លឺម៉ង់ Bayern Munich ទិញខ្សែប្រយុទ្ធ Leroy Sane ពីក្រុម Manchester City បានសម្រេចហើយ ក្នុងតម្លៃខ្លួន៥៥លានផោន កុងត្រា៥ឆ្នាំ។
Sane នៅសល់កុងត្រាតែ១ឆ្នាំទៀតប៉ុណ្ណោះជាមួយក្រុម Man City ។ ស្របពេលក្រុម Bayern Munich ព្យាយាមតាមទិញនិងផ្ដល់តម្លៃខ្លួនខ្ពស់ផងនោះ ទើបបានជាក្រុមរបស់លោក Pep មិនអាចប្រកែកបាន ហើយការចរចាសម្រេចក៏កើតមាននៅយប់មិញនេះ។ ដូច្នេះចាប់ពីរដូវកាលក្រោយទៅកីឡាករអាល្លឺម៉ង់ខាងលើនេះ នឹងក្លាយជាកីឡាករ Bayern Munich ដែលមានកុងត្រារហូតដល់៥ឆ្នាំឯណោះ។
កីឡាករវ័យ២៤ឆ្នាំខាងលើនេះ មិនមានឱកាសបានចូលលេងឡើយ មួយរយៈពេលចុងក្រោយនេះ ក្រោមការដឹកនាំរបស់លោក Pep ។ កត្ដានេះហើយ ទើបបានជាសាមីខ្លួនចង់ចាកចេញដើម្បីទៅរកក្លឹបដែលនឹងផ្ដល់ឱកាសឱ្យរូបគេបញ្ចេញសមត្ថភាព។ ដោយក្រុម Bayern Munich នេះ គឺជាក្រុមដែលបានផ្ដល់ទំនុកចិត្តខ្ពស់ដល់រូបគេ ថានឹងអាចបង្ហាញសមត្ថភាពបានពេញលេញមិនខាន៕ប្រភព Dailymail