លោក Jurgen Klopp អ្នកចាត់ការក្រុម Liverpool បានស្នើសុំអ្នកគាំទ្ររបស់ខ្លួនឱ្យរង់ចាំឱកាសល្អ ដើម្បីអាចអបអរពានរង្វាន់ជាមួយគ្នាបាន។
អ្នកគាំទ្ររាប់ពាន់នាក់បានចេញមកអបអរ ក្រោយពីពួកគេបានដឹងថាក្រុម Liverpool បានឈ្នះពានរង្វាន់ Premier League ជាលើកដំបូងក្នុងរយៈពេល៣០ឆ្នាំចុងក្រោយនេះ។ ការចេញមកអបអរនេះដែរ បានធ្វើឱ្យរដ្ឋបាលក្រុងបារម្ភពីសុវត្ថិភាពទៅវិញទេ ព្រោះអាចធ្វើឱ្យមានការឆ្លងមេរោគ Covid-19 ទ្រង់ទ្រាយធំក៏ថាបាន។
បើតាមសាររបស់លោក Klopp បាននិយាយផ្ដាំទៅអ្នកគាំទ្រថា៖ “ខ្ញុំក៏ជាមនុស្ស ការរំភើបចិត្តរបស់អ្នក ក៏ដូចខ្ញុំដែរ ប៉ុន្តែពេលនេះរឿងដែលសំខាន់បំផុតនោះគឺយើងមិនអាចជួបជុំគ្នាច្រើនបាននោះទេ។ យើងត្រូវតែគោរពចំពោះការលះបង់របស់ក្រុមគ្រូពេទ្យ ប៉ូលិស និងអ្នកដែលបានចូលរួមទប់ស្កាត់មេរោគ Covid-19 ទាំងអស់គ្នា។ ខ្ញុំសង្ឃឹមថាយើងនឹងអាជប់លៀងជុំគ្នានៅពេលខាងមុខនេះ”៕ប្រភព Bbc
