ប្រាកដជាមានអ្នកគាំទ្រវិស័យកីឡាបាល់ទាត់មួយចំនួនធំ ធ្លាប់បានឆ្ងល់ថាតើប្រទេសកម្ពុជា មានអ្នកគាំទ្រក្លឹបបាល់ទាត់នៅអឺរ៉ុបណាមួយខ្លាំងបំផុត?
បើតាមរបាយការណ៍ពីទំព័រ Asean Football ដែលជាប្រភពគួរឲ្យទុកចិត្តមួយនោះ បានបង្ហាញចម្លើយថា សម្រាប់កម្ពុជាគឺគាំទ្រខ្លាំងទៅលើក្លឹបបាល់ទាត់តោខៀវ Chelsea ពោលគឺដូចទៅនឹងប្រទេសឡាវដែរ។
ក្នុងនោះប្រទេសទាំង ១១ នៅតំបន់អាស៊ីអាគ្នេយ៍ភាគច្រើនគឺគាំទ្រក្លឹប Manchester United តួយ៉ាងដូចជានៅប្រទេសឥណ្ឌូណេស៊ី មីយ៉ាន់ម៉ា ម៉ាឡេស៊ី សិង្ហបុរី ទីម័រខាងកើត និងវៀតណាម។
ដោយឡែកសម្រាប់ប្រទេសថៃ និងប្រ៊ុយណេ គឺរាប់ថាភាគច្រើនគាំទ្រក្លឹប Liverpool ស្របពេលដែលកម្ពុជា និងឡាវគាំទ្រក្លឹប Chelsea ហើយមានតែប្រទេសហ្វីលីពីនមួយគត់ដែលបាក់ខ្លាំងទៅលើក្លឹបកាំភ្លើងធំ Arsenal។
បញ្ជាក់ជាថ្មីម្តងទៀតថា នេះជាស្ថិតិដែលចុះផ្សាយដោយ Asesan Football ពោលមិនមែនយើងចុះផ្សាយចេញពីការយល់ឃើញផ្ទាល់នោះឡើយ។ ចុះសម្រាប់អ្នករាល់គ្នាវិញ តើពេញចិត្តក្លឹបណាជាងគេ សូមធ្វើការបញ្ចេញមតិនៅខាងក្រោម៕