ក្រុម Barcelona បានធ្លាក់មកលេខ២ក្នុងតារាង La Liga វិញហើយ ក្រោយពីក្រុម Real Madrid បានយកឈ្នះលើក្រុម Espanyol កាលពីយប់មិញនេះ។
ស្ថិតនៅចំណាត់ថ្នាក់លេខ២នេះ ក្រុម Barcelona បានចាញ់ពិន្ទុក្រុមលេខ១ Real Madrid ចំនួន២ពិន្ទុ ស្របពេលការប្រកួតវិញនៅសល់៦ប្រកួតទៀត ទើបបញ្ចប់រដូវកាល។ សម្រាប់ការប្រកួតប្រជែងនៅពេលខាងមុខ សម្រាប់ Pique ដែលជាខ្សែការពារយល់ឃើញថាវាមិនទាន់ចប់នៅឡើយទេ។ ក្រុម Barcelona នៅតែមានឱកាសជានិច្ចសម្រាប់ការត្រលប់ទៅកំពូលតារាងវិញ។
អតីតកីឡាករ Manchester United ខាងលើនិយាយថា៖ “DNA របស់ក្រុម Barcelona គឺប្រកួតប្រជែងរហូតដល់នាទីចុងក្រោយ។ សូមចង់ចាំរឿងនេះ យើងជាក្រុម Barcelona ហើយការប្រកួតក៏មិនទាន់បញ្ចប់នៅឡើយដែរ។ យើងកំពុងត្រៀមខ្លួនសម្រាប់ការប្រកួតនៅថ្ងៃអង្គារខាងមុខនេះម្ដងទៀត”។ សម្រាប់ការប្រកួតថ្ងៃអង្គារនោះ គឺក្រុម Barcelona ត្រូវប៉ះក្រុមលេខ៣ Atletico Madrid ៕ប្រភព Marca