ការប្រកួតពាន FA Cup របស់អង់គ្លេស បានរកឃើញក្រុម៤ ឡើងទៅលេងវគ្គពាក់កណ្ដាលផ្ដាច់ព្រ័ត្រគឺ Manchester United , Chelsea , Arsenal និង Manchester City ។
ក្រុមទាំង៤ខាងលើនេះ មាន៣ក្រុមដែលជាក្រុមជោគជ័យជាងគេ ឬអាចនិយាយបានថាឈ្នះពានរង្វាន់ FA Cup នេះបានច្រើនជាងគេ។ ក្រុមកាំភ្លើងធំ Arsenal ឈ្នះវាបាន១៣ដង ខណៈដែលក្រុម Man Utd វិញ ឈ្នះបាន១២ដង និង Chelsea ឈ្នះបាន៨ដង។ ដោយក្រុមទាំង៤នេះ ក៏ដឹងថាក្រុមណាប៉ះក្រុមណារួចហើយផងដែរ គឺក្រុម Man Utd ប៉ះ Chelsea និងក្រុម Arsenal ប៉ះក្រុម Man City ។
ការប្រកួតនៅវគ្គពាក់កណ្ដាលផ្ដាច់ព្រ័ត្រនេះដែរ នឹងធ្វើឡើងនៅកីឡដ្ឋាន Wembley នៅថ្ងៃទី១៨និង១៩ខែកក្កដាឆ្នាំ២០២០។ ដោយឡែកសម្រាប់វគ្គផ្ដាច់ព្រ័ត្រវិញ ធ្វើនៅកីឡដ្ឋាននេះដដែល នៅថ្ងៃទី១ខែសីហាឆ្នាំ២០២០៕ប្រភព Bbc
