ក្រុម Espanyol បានបណ្ដេញលោក Abelardo Fernandez អ្នកចាត់ការរបស់ខ្លួនចោលហើយកាលពីម្សិលមិញនេះ មុនពេលប៉ះក្រុម Real Madrid នៅម៉ោង៣រំលងអាធ្រាត្រយប់នេះ។
ក្រុម Espanyol ធ្វើមិនបានល្អឡើយនៅប៉ុន្មានប្រកួតមកនេះ ដោយបច្ចុប្បន្នពួកគេស្ថិតនៅបាតតារាងឯណោះ ហើយអាចនឹងត្រូវកាត់ចោលថែមទៀត ព្រោះនៅសល់៧ប្រកួតទៀត ពួកគេនៅក្រោម៨ពិន្ទុពីតំបន់សុវត្ថិភាព។ ដោយសារតែលទ្ធផលមិនល្អនេះហើយ ទើបបានជាក្លឹបនេះសម្រេចចិត្តដកលោក Abelardo ចេញពីតំណែងអ្នកចាត់ការតែម្ដង។
ការប្រកួតទល់ក្រុមយក្ស Real Madrid នៅម៉ោង៣រំលងអាធ្រាត្រនេះ លោក Francisco Rufete តួនាទីជា Sporting Director នៅក្លឹប Espanyol នឹងមកឈរបញ្ជាកូនក្រុមតែម្ដង។ លោកនឹងកាន់តំណែងអ្នកចាត់ការនេះ រហូតដល់ចប់រដូវកាលនេះ៕ប្រភព Marca
