ក្រុម Barcelona លេងបានត្រឹមស្មើក្រុម Celta Vigo ក្នុងលទ្ធផល ២-២ ប៉ុណ្ណោះក្នុងការប្រកួត La Liga កាលពីយប់មិញនេះ។
ជាមួយលទ្ធផលស្មើនៅយប់មិញនេះដែរ គឺកាន់តែធ្វើឱ្យក្រុម Real Madrid មានសង្ឃឹមច្រើនហើយក្នុងការនាំមុខកំពូលតារាង តែបើតាមសម្ដីរបស់ Suarez វិញយល់ឃើញថាប្រកួតខាងមុខ ក្រុមរបស់លោក Zidane ក៏នឹងមានបាត់ពិន្ទុដូចគ្នា។ ខណៈដែលមតិនេះ លោក Setien អ្នកចាត់ការក្រុម Barcelona ក៏ធ្លាប់គិតបែបនោះដែរ។
ខ្សែប្រយុទ្ធ Suarez បាននិយាយថា៖ “យើងមានអារម្មណ៍មិនល្អឡើយ ដែលបាត់ពិន្ទុពីការប្រកួតនៅយប់មិញ។ លទ្ធផលគឺក្នុងដៃរបស់យើងគ្រប់ប្រកួត ហើយពេលនេះយើងនឹងរង់ចាំមើលក្រុម Real Madrid បាត់បង់ពិន្ទុដែរ។ នៅមានប្រកួតពិបាកៗទៀតសម្រាប់ក្រុម Real Madrid ដែលត្រូវជួប”៕ប្រភព Marca