Jordan Henderson ប្រធានក្រុម Liverpool អរគុណដល់វត្តមានរបស់លោក Klopp ដែលបានកែប្រែប្រវត្តិសាស្ត្រ៣០ឆ្នាំរបស់ក្រុមហង្សក្រហមបាននារដូវកាលនេះ។
នៅយប់មិញនេះ ក្រោយពីក្រុម Man City ចាញ់ក្រុម Chelsea មក ក្រុមកំពូលតារាង Liverpool បានក្លាយជាជើងឯកលីគកំពូលអង់គ្លេសទៅហើយ ទោះសល់៧ប្រកួតទៀតក៏ដោយ។ ដោយនេះជាការឈ្នះពានរង្វាន់ឡើងវិញ ក្រោយពីពួកគេខកខានអស់រយៈពេល៣០ឆ្នាំមកនេះ។
ក្រោយពីឈ្នះពាននេះហើយ ប្រធានក្រុម Henderson បាននិយាយថា៖“ អ្នកមិនដែលគិតពីពេលវេលាបែបនេះនោះទេ អ្នកគ្រាន់តែគិតពីការប្រកួតនិមួយៗប៉ុណ្ណោះ។ ពេលដែលឈ្នះពានរង្វាន់មកដល់បែបនេះ ខ្ញុំពិតជាពិបាកនិយាយមែនទែន។ ខ្ញុំបាននិយាយវាម្ដងមកហើយកាលពីឈ្នះ Champions League បើគ្មានវត្តមាន Klopp ក៏យើងមិនអាចដល់ចំណុចនេះដែរ។ គាត់បានមកដល់ ហើយផ្លាស់ប្ដូរគ្រប់យ៉ាង។ គាត់ស្និទ្ធជាមួយកីឡាករ គាត់ពិតជាមានទេពកោសល្យក្នុងការដឹកនាំណាស់”៕ប្រភព Dailymail
