ក្លឹប Borussia Dortmund បានជោគជ័យលើការចុះហត្ថលេខានាំយកខ្សែការពារ Thomas Meunier របស់ក្លឹប PSG ដោយព្រមព្រៀងលើកុងត្រារយៈពេល ៤ ឆ្នាំដល់ឆ្នាំ ២០២៤ ក្រោយកីឡាករបែលហ្សិករូបនេះ ត្រូវផុតកុងត្រាជាមួយក្លឹបបារាំងនៅចុងខែមិថុនា។
បុរសវ័យ ២៨ ឆ្នាំ បាននិយាយទន្ទឹមនឹងដំណឹងផ្លូវការ ជុំវិញការផ្ទេរចេញរបស់ខ្លួនដូច្នោះថា៖ “ការលេងរបស់ Borussia Dortmund ជាកន្លែងដែលខ្ញុំចង់ទៅលេង ដោយទទួលបានការចាប់អារម្មណ៍បំផុត ទីនោះមានអ្នកគាំទ្រដ៏អស្ចារ្យនិងបរិយាកាសអំឡុងពេលប្រកួតនៅទឹកដី Signal Iduna Park ជាហេតុផលទាក់ទាញការសម្រេចចិត្តរបស់ខ្ញុំ”។
បញ្ជាក់ថា Meunier ត្រូវបានក្លឹប PSG ទិញពី Club Brugge នៅតម្លៃ ៦ លានអឺរ៉ូកាលពីឆ្នាំ ២០១៦ ខណៈរយៈពេលចុងក្រោយគេមានហាងឆេងថ្លៃខ្លួនប្រមាណ ២៤ លានអឺរ៉ូ តែសោកស្តាយដែលកិច្ចចរចាបន្តកុងត្រាជាមួយក្លឹបយក្សបារាំងមិនទទួលបានជោគជ័យ៕
ប្រភព៖ AF