នៅរយៈពេលចុងក្រោយនេះ មានដំណឹងល្ហិចល្ហៀងឥតឈប់ថា Lautaro Martinez អាចនឹងផ្ទេរមកកាន់ក្លឹប FC Barcelona ដើម្បីបានរួមជើងជាមួយនឹងតារាឆ្នើម Lionel Messi។
ផ្សាភ្ជាប់នឹងរឿងនេះ ត្រូវបាននាយកប្រតិបត្តិក្លឹប Inter Milan លោក Giseppe Marotta បាននិយាយច្បាស់ៗហើយថា បើសាមីខ្លួនមិនចង់ទៅ គ្មានផ្លូវដែលក្លឹបបើកភ្លើងខៀវឲ្យមានការចរចាណាមួយនោះទេ។
ជជែកប្រាប់ DAZN លោក Marotta និយាយថា៖ “យើងពិតជាច្បាស់លាស់ណាស់លើរឿងរបស់ Lautaro ដោយយើងធ្លាប់បាននិយាយហើយថា Inter ជាក្លឹបដ៏ធំមួយ ដោយគ្មានបំណងចង់លក់កីឡាករឆ្នើមចេញពីក្លឹបនោះទេ វាក៏មិនខុសពីរឿងសម្រាប់ Lautaro ដូចគ្នា”។
លោកសង្កត់ធ្ងន់៖ “ប្រសិនសាមីខ្លួនកីឡាករគេមិនបង្ហាញចិត្តថាចង់ចាកចេញទេ នោះក៏គ្មានលក្ខខណ្ឌអ្វីដែលយើងត្រូវបើកផ្លូវឲ្យគេទៅកើតដែរ”៕ ប្រភព៖ BeSoccer