ជំនួប​ហង្ស​ក្រហម​ប៉ះ​ឥន្ទ្រី​ខៀវ​យប់​មិញ ​មាន​កីឡាករ​ម្នាក់​បាន​ជិត ១០ ពិន្ទុ​ពេញ

ហង្ស​ក្រហម Liverpool បាន​លុត​ក្រុម​ភ្ញៀវ​ឥន្រ្ទី​ខៀវ​ Crystal Palace នៅ​លទ្ធផល ៤-០ ដោយ​ក្នុង​នោះ​មាន​គ្រាប់​បាល់​បញ្ចូល​ទី​ធ្វើ​បាន​ដោយ​កីឡាករ Arnold, Salah, Fabinho និង Mane។

តាម​ការ​វាយ​តម្លៃ​ពិន្ទុ​ចេញ​ពី WhoScored បាន​បង្ហាញ​ថា ខ្សែ​បម្រើ​កណ្តាល Fabinho គឺ​ទទួល​បាន​ពិន្ទុ​ខ្ពស់​ដាច់​គេ​ដល់​ទៅ ៩,៦ ពិន្ទុ ឈ្នះ MOTM ក្នុង​ការ​ប្រកួត។ កីឡាករ​ប្រេស៊ីល​រូប​នេះ រក​បាន ១ គ្រាប់​និង Assist ១ ជើង​ឲ្យ​មិត្ត​រួម​ក្រុម។ គេ​មាន​ភាគរយ​បញ្ជូន​បាល់​ជោគជ័យ​ដល់​ទៅ ៩៨ ភាគរយ​ឯ​ណោះ ហើយ​បាន​ឆក់​យក​បាល់​ពី​គូ​ប្រជែង​បាន​សម្រេច​ចំនួន ៦ លើក។

អ្នក​បន្ទាប់​មាន​ដូច​ជា Mane/Salah បាន ៨,៧ ពិន្ទុ និង Arnold បាន ៧,៨ ពិន្ទុ។ និយាយ​ពី​កីឡាករ​បាន​ពិន្ទុ​ទាប​បំផុត​ ៥,២៥ គឺ អ្នកចាំទី Hennessey របស់ Crystal ដែល​ការ​ស៊ុត​សរុប ២១ លើក ចំ​គោលដៅ ៧ លើក សង្រ្គោះ​បាន ៣ លើក​តែ​ប៉ុណ្ណោះ៕ ប្រភព៖ WhoScored

ភ្ជាប់ទំនាក់ទំនងជាមួយ CTS SPORT