ខ្សែបម្រើ Thiago Alcantara របស់ក្លឹប Bayern Munich ត្រូវគេរាយការណ៍ថាបានបង្ហើបទៅមិត្តរួមទ្រនំ ថាខ្លួនមានបំណងចង់ផ្ទេរចេញទៅចូលរួមនៅក្លឹប Liverpool របស់លីគអង់គ្លេសហើយ។ នេះបើតាម Sports Bild បានចុះផ្សាយ។
បុរសវ័យ ២៩ ឆ្នាំហាក់ពេញចិត្តលើក្រុមរបស់លោក Jurgen Klopp ជាខ្លាំង ដោយបានបដិសេធនូវសំណើបន្តកុងត្រាលើកចុងក្រោយជាមួយនឹងក្លឹប Bayern Munich។
Thiago គេបានផ្ទេរមកក្លឹបការពារជើងឯក Bundesliga នៅឆ្នាំ ២០១៣ ដោយបានវិវត្តខ្លួនចេញពីទ្រនំថ្នាលយុវជន La Masia និងចូលរួមបានប៉ុន្មានប្រកួតជាមួយឈុតធំរបស់ Barcelona។
កុងត្រារបស់ខ្សែបម្រើរូបនេះ គឺមានរយៈពេល ១២ ខែសេសសល់ជាមួយនឹង Bayern ហើយតាមហាងឆេងថ្លៃខ្លួនបច្ចុប្បន្នគឺ ៤៨ លានអឺរ៉ូ ប៉ុន្តែបើនិយាយពីតម្រូវការសម្រាប់ Liverpool នៅតំបន់បម្រើទំនងជាមិនទាន់ត្រូវការចាំបាច់នៅឡើយ៕
ប្រភព៖ SoccerLaduma