Los Blancos បានយកឈ្នះទៅលើ Real Mallorca ២-០ ដោយជាចំណែកគ្រាប់បាល់បញ្ចូលទីចេញពីថ្វីជើង Vinicius Junior និង Sergio Ramos។
ជាមួយជ័យជម្នះនេះ អ្នកចាត់ការលោក Zinedine Zidane បានបង្ហាញការសាទរជាខ្លាំង ជាពិសេសគឺសរសើរដល់ភាពប៉ិនប្រសព្វរបស់ខ្សែការពារជិតឈានចូលវ័យ ៣៥ ឆ្នាំ Sergio Ramos ដែលបានបំបែកគ្រាប់បាល់ Free-Kick យ៉ាងល្អបំផុត។
Zidane បានទទូចចង់ឃើញកីឡាករអេស្ប៉ាញ ចូលនិវត្តនៅទឹកដី Bernabeu ដោយអ្នកចាត់ការបារាំងនិយាយ៖ “Sergio គេជាកីឡាករនៅទីនេះ រយៈពេលច្រើនឆ្នាំមកហើយ បែបនេះគេគួរតែចូលនិវត្តនៅទីនេះ ចំពោះអ្វីដែលខ្ញុំបានគិត គឺខ្ញុំត្រៀមរួចរាល់ហើយនឹងបានឃើញអំពីរឿងនេះ”។
បញ្ជាក់ថា Real បានរំកិលខ្លួនទៅលើកំពូលតារាងសារជាថ្មី ដោយមាន ៦៨ ពិន្ទុស្មើជាមួយ Barcelona គិតត្រឹមជុំទី ៣១ នៅ LaLiga៕ ប្រភព៖ Goal