Luka Romero បានក្លាយជាកីឡាករក្មេងបំផុតក្នុងប្រវត្តិសាស្ត្រក្របខណ្ឌ La Liga ដែលបានចូលលេងឱ្យក្រុម Mallorca ទល់ក្រុម Real Madrid នៅយប់មិញនេះ។
កីឡាករដែលគេហៅថា Messi មិចស៊ិកូខាងលើនេះ បានបង្ហាញខ្លួននៅ La Liga យប់មិញ ត្រឹមវ័យ១៥ឆ្នាំ២១៩ថ្ងៃប៉ុណ្ណោះ។ នេះជាកំណត់ត្រាកីឡាករក្មេងបំផុតដែលបានបង្ហាញខ្លួននៅក្របខណ្ឌ La Liga ។ ដោយកំណត់ត្រាចាស់ កាន់កាប់ដោយកីឡាករSanson របស់ក្រុម Celta Viga ក្នុងឆ្នាំ១៩៤០ ដោយគ្រានោះ Sanson មានវ័យ១៥ឆ្នាំ២៥៥ថ្ងៃ។
Luka Romero មានឪពុកជាជនជាតិអាហ្សង់ទីន តែរូបគេបានកើតនៅមិចសិកូ។ ទៅថ្ងៃអនាគត ខ្សែប្រយុទ្ធរូបនេះ រំពឹងថានឹងបានលេងជម្រើសជាតិមិចសិកូផងដែរ៕ប្រភព Dailymail