ក្រុមហង្សក្រហម Liverpool បានយកឈ្នះលើក្រុម Crystal Palace ក្នុងលទ្ធផល ៤-០ កាលពីយប់មិញ ធ្វើឱ្យការឈ្នះពានរង្វាន់របស់ពួកគេកាន់តែកៀកមែនទែនហើយ។
៤គ្រាប់របស់ក្រុមហង្សក្រហម Liverpool កើតមានឡើងដោយ Arnold ១គ្រាប់ Salah ១គ្រាប់ Fabinho ១គ្រាប់ និង Mane ១គ្រាប់។ នេះជាជ័យជម្នះថ្មីមកវិញ ក្រោយពីការប្រកួតបើករដូវកាលកន្លងទៅនេះ ពួកគេលេងបានត្រឹមស្មើក្រុម Everton ក្នុងលទ្ធផល ០-០ ប៉ុណ្ណោះ។ មួយវិញទៀត បាន៣ពិន្ទុបន្ថែមក៏កាន់តែធ្វើឱ្យ Liverpool កៀកមែនទែនក្នុងការឈ្នះពានរង្វាន់ Premier League ផងដែរ។ ពោលគឺក្រុម Liverpool ត្រូវការតែ២ពិន្ទុទៀតប៉ុណ្ណោះក្នុងការប្រកួតដែលនៅសល់ដើម្បីលើកពានរង្វាន់ជាលើកដំបូងក្នុងរយៈពេល៣០ឆ្នាំចុងក្រោយនេះ។
យ៉ាងណាមិញ ការឈ្នះពានរង្វាន់អំឡុងពេល Covid-19 នេះក៏បានធ្វើឱ្យលោក Klopp មានការសោកស្ដាយរឿងមួយផងដែរ គឺគ្មានអ្នកគាំទ្រចូលរួមអបអរ។ លោកពិតជាចង់ឃើញអ្នកគាំទ្រពេញទីលានខ្លាំងណាស់ ដើម្បីអបអរជ័យជម្នះដែលក្រុមធ្វើបាន។ ការលើកពានដោយគ្មានអ្នកគាំទ្រគឺពិតជារឿងគួរឱ្យស្ដាយមួយក្នុងទីលាន៕ប្រភព Dailymail