ក្រុម Real Madrid បានរុញក្រុម Barcelona មកក្រោមវិញហើយ ក្រោយពីពួកគេបានយកឈ្នះលើក្រុម Mallorca ក្នុងលទ្ធផល ២-០ កាលពីយប់មិញនេះ។
ក្រុម Real Madrid សម្រាប់ប្រកួតនេះ ពួកគេនៅតែធ្វើបានល្អដដែល។ ជាក់ស្ដែង ខ្សែប្រយុទ្ធវ័យក្មេង Vinicius រកបាន១គ្រាប់ និងប្រធានក្រុម Sergio Ramos រកបាន១គ្រាប់ដែរ ក្នុងការយកឈ្នះលើក្រុម Mallorca ២-០ នេះ។ ដោយ១គ្រាប់របស់ Ramos គឺជាការទាត់បាល់ហ្វ្រីឃីកបញ្ចូលទីយ៉ាងស្អាត។ ដោយឡែកនេះក៏ជាការរកគ្រាប់បាល់បានដោយហ្វ្រីឃីកជាថ្មីម្ដងទៀតរបស់ក្រុម Real Madrid ក្រោយខកខានជាង៥០០ថ្ងៃមកហើយ។
ជាមួយការបាន៣ពិន្ទុនេះ ធ្វើឱ្យក្រុម Real Madrid ឡើងទៅឈរនៅកំពូលតារាង La Liga វិញហើយ ខណៈដែលការប្រកួតនៅសល់៧ប្រកួតទៀតនឹងបញ្ចប់រដូវកាលនេះ៕ប្រភព Marca
