ទន្ទឹមនឹងការវិលត្រលប់មកចូលទីលានហ្វឹកហាត់ ត្រៀមចូលរួមការប្រកួត UEFA Champions League ក្លឹប PSG បានតេស្តរកឃើញកីឡាករ ៣ រូបនិងបុគ្គលិក ១ រូប របស់ខ្លួន មានផ្ទុកជំងឺ COVID-19។
ចំពោះអត្តសញ្ញាណថាជានរណានោះ មិនត្រូវបានក្លឹបបង្ហើបប្រាប់នោះឡើយ ប៉ុន្តែក្លឹបកំពុងតាមដានយ៉ាងល្អិតល្អន់ ព្រោះបារម្ភខ្លាចមានការឆ្លងរាលដាលដល់បណ្ដាសមាជិកឬបុគ្គលិកក្នុងក្លឹបឯទៀត។
បញ្ជាក់ថា PSG មានការប្រកួតដ៏សំខាន់ក្នុងដៃដែលមិនទាន់បញ្ចប់នោះគឺ ការតតាំងពាន UCL ដោយពួកគេបានផ្តួល Dortmund ឡើងទៅកាន់វគ្គ ៨ ក្រុម ហើយការប្រកួតបន្តទំនងជានឹងធ្វើនៅពាក់កណ្តាលខែសីហាខាងមុខ៕
ប្រភព៖ BeSoccer