នៅថ្ងៃទី ២៤ មិថុនានេះ គឺជាថ្ងៃខួបកំណើតរបស់ Lionel Messi ដោយលោកឈានចូលវ័យ ៣៣ ឆ្នាំហើយ។ នៅថ្ងៃកំណើតរបស់ M10 ក៏ជាថ្ងៃដែល Barcelona យកឈ្នះការប្រកួតទល់នឹង Athletic Club ១-០ តែរូបលោកមិនមែនជាអ្នកបញ្ចប់ទីនោះទេ។
តាមពិតទៅវាគួរតែជាថ្ងៃដ៏អស្ចារ្យបំផុត ប្រសិនណា M10 អាចរកគ្រាប់បាល់កាលពីយប់មិញ ព្រោះវានឹងក្លាយជាគ្រាប់បាល់ទី ៧០០ និងអាចថាចាត់ទុកជាការអបអរដ៏ពិសេសមួយសម្រាប់ការឈានចូលវ័យ ៣៣ ឆ្នាំ។ យ៉ាងណាមិញក៏ M10 បានបំបែកកំណត់ត្រា Assist ទី ២៥០ ក្នុងអាជីពរបស់លោកផងដែរ។
បញ្ជាក់ថា Messi ឈ្នះពានធំៗនៅអាជីពជិត ២០ ឆ្នាំមកនេះមានដូចជាពាន Ballon d’Or ៦ លើក FIFA The Best ៦ លើក UEFA Champions League ៤ លើក LaLiga ១០ លើកជាដើម៕