ក្រុម Liverpool បានលេងស្មើក្រុម Everton កាលពីប្រកួតបើកឆាកលីគវិញកន្លងទៅនេះក្នុងលទ្ធផល ០-០ ហើយនៅរាត្រីនេះ ពួកគេនឹងត្រូវប៉ះក្រុម Crystal Palace ម្ដង។
ក្រុមហង្សក្រហម ត្រូវការតែ៥ពិន្ទុទៀតប៉ុណ្ណោះ នោះពួកគេនឹងបានលើកពានរង្វាន់ Premier League ដោយស្វ័យប្រវត្តិហើយ ក្រោយពីខកខានលើកវា៣០ឆ្នាំ។ តែសម្រាប់គំនិតរបស់លោក Klopp មិនដែលគិតខ្វល់ថាពេលណាក្រុម Liverpool លើកពាននោះទេ។ លោក ចង់បានក្រុមមួយដែលមានទម្រង់លេងល្អគ្រប់ប្រកួត បើទោះជាបានលើកពានហើយក៏ដោយ ក៏ត្រូវតែប្រឹងដែរ។
លោក Klopp បានបន្ថែមទៀតថា៖ “ខ្ញុំមិនខ្វល់ទេពេលណា យើងលើកពាននោះ ប៉ុន្តែខ្ញុំខ្វល់ចំពោះក្រុមទាំងមូលទើបត្រូវ។ ខ្ញុំចង់ឈ្នះការប្រកួតគ្រប់ប្រកួត មិនមែនផ្ដោតទៅលើតែពានមួយនោះទេ ខ្ញុំចង់ឱ្យគ្រប់គ្នាផ្ដោតទៅលើការលេងរបស់ក្រុម ប្រឹងប្រែងដើម្បីការប្រកួតខាងមុខទៀត”៕ប្រភព Dailymail