ក្រុម Barcelona បានយកឈ្នះលើក្រុម Athletic Bilbao ក្នុងលទ្ធផល ១-០ ក្នុងការប្រកួត La Liga នៅយប់មិញនេះ ធ្វើឱ្យពួកគេឡើងឈរនៅកំពូលតារាងវិញហើយ។
យ៉ាងណាមិញ លទ្ធផលឈ្នះនៅយប់មិញនេះដែរ ត្រូវបានអ្នកវិភាគមើលឃើញថាទម្រង់លេងក្រុម Barcelona នៅមិនទាន់ល្អដូចដើមនោះទេ។ ដោយសូម្បីតែលោក Setien អ្នកចាត់ការក្រុមផ្ទាល់ ក៏អះអាងដែរថាការប្រកួតនេះ ក្រុមរបស់លោកនៅខ្វះភាពរហ័សរហួន និងការជាក់លាក់ដើម្បីគ្រប់គ្រងការប្រកួតមួយបាន។
តែចំណុចនេះដែរ លោក Setien ក៏បញ្ជាក់ថានៅការប្រកួតខាងមុខ បញ្ហាទាំងអស់នេះនឹងត្រូវដោះស្រាយ។ ការប្រកួតនៅសល់ច្រើនទៀត ហើយក្រុម Barcelona ក៏ត្រូវកែលម្អចំណុចទាំងអស់ ដើម្បីស្វែងរកជ័យជម្នះគ្រប់ប្រកួតរបស់ខ្លួនមកវិញផងដែរ៕ប្រភព Marca