ក្រោយខកខានឡើងសង្វៀនអស់រយៈពេលជាង ១៥ ឆ្នាំ អតីតស្តេចប្រដាល់ជើងចាស់ Mike Tyson បានប្រកាសពីការវិលត្រលប់មកវិញ ត្បិតបើស្ថិតក្នុងវ័យរាងចាស់ដល់ ៥៣ ឆ្នាំហើយក្តី។
នៅរយៈពេលក្រោយនេះ ដៃចាស់សញ្ជាតិអាមេរិកបានបង្ហាញនូវវីដេអូបន្តកន្ទុយគ្នា ជុំវិញសកម្មភាពហ្វឹកហាត់របស់លោក ដែលមើលទៅពោរពេញដោយកម្លាំងធ្វើឲ្យអ្នកគាំទ្រកាន់តែពុះកញ្ជ្រោលចង់ឃើញវត្តមានរបស់លោកលើសង្វៀនសារជាថ្មី។
វីដេអូបង្ហាញការហ្វឹកហាត់វាយពូកពោរពេញដោយកម្លាំងរបស់ Tyson បានទាញអ្នកទស្សនាជាង ២ លានដង បើគិតតែលើគណនី Instagram របស់លោកផ្ទាល់ មិនរាប់ការចែកចាយលើទំព័រដទៃ។
ទស្សនាវីដេអូខាងក្រោម៖
View this post on Instagram
បញ្ជាក់ថា Tyson បានបង្ហើបពីគម្រោងត្រៀមឡើងសង្វៀនទល់នឹងអតីតគូប្រជែងចាស់ប៉ុន្មានរូបរបស់ខ្លួន ដូចជា Evander Holyfield និង Shannon Briggs ដែលសុទ្ធសឹងជាអតីតអ្នកប្រដាល់វ័យចំណាស់ដូចៗគ្នា៕
ប្រភព៖ News.com.au