Phil Foden រកបាន២គ្រាប់ ក្នុងជំនួប Manchester City យកឈ្នះលើក្រុម Burnley ក្នុងលទ្ធផល ៥-០ កាលពីយប់មិញនេះ។
កីឡាករវ័យ២០ឆ្នាំនេះ កំពុងតែឡើងជើងខ្លាំងមែនទែន រហូតដល់លោក Pep បានចាត់ទុករូបគេ ជាអ្នកជំនួសតំណែងរបស់កីឡាករ David Silva ថែមទៀតផង។ អ្នកចាត់ការល្បីឈ្មោះរូបនេះ បាននិយាយថា៖ “ពេល David ប្រាប់ថាគាត់នឹងចាកចេញឆ្នាំនេះ ខ្ញុំបានប្រាប់ទៅថ្នាក់លើថាយើងមាន Phil ដូច្នេះមិនចាំបាច់ចំណាយទិញអ្នកថ្មីទេ។ វាពិបាកក្នុងការរកអ្នកជំនួស David ប៉ុន្តែ Phil មានចំណុចពិសេសដែលរូបគេនឹងកាន់តែល្អថែមទៀតនៅថ្ងៃអនាគត”។
ខ្សែបម្រើរបស់អង់គ្លេសខាងលើនេះ ត្រូវបានលោក Pep ផ្ដល់ទំនុកចិត្តខ្លាំងមែនទែននារដូវកាលនេះ។ អ្នកវិភាគជាច្រើន បានអះអាងថា Phil Foden នឹងក្លាយជាកីឡាករលេចធ្លោម្នាក់របស់អង់គ្លេស ដោយត្រឹមវ័យ២០ឆ្នាំរូបគេអាចយកចិត្តរបស់អ្នកចាត់ការ Pep បានទៅហើយនោះ៕ប្រភព Bbc