ក្រុម Manchester City ពិតជាធ្វើបានល្អមែនទែន ដោយបានយកឈ្នះលើក្រុម Burnley ក្នុងលទ្ធផល ៥-០ ឯណោះនាការប្រកួត English Premeir League ។
ទន្ទឹមនឹងលទ្ធផលយ៉ាងគាប់ប្រសើរនេះដែរ ក្រុម Man City ក៏នឹងជួបបញ្ហាខ្លះផងដែរ។ ជាក់ស្ដែងក្នុងការប្រកួតនៅយប់មិញនេះ Sergio Aguero បានរងរបួសជង្គង់ត្រូវប្ដូរចេញនៅជិតចប់តង់ទី១។ របួសនេះដែរ ពិតជាគួរឱ្យបារម្ភខ្លាំង ត្បិតអីជង្គង់នេះក៏ធ្លាប់មានបញ្ហារបួសច្រើនលើកមកហើយដែរ។ លោក Pep អ្នកចាត់ការក្រុម Man City បានបង្ហើបថាកីឡាករអាហ្សង់ទីនរូបនេះ អាចនឹងសម្រាករហូតដល់ចប់រដូវកាលនេះតែម្ដង។
បើមើលទៅលើពិន្ទុក្នុងតារាង Premier League គឺក្រុម Man City មិនមានអ្វីត្រូវព្រួយបារម្ភឡើយ ព្រោះថារូបគេនៅក្រោមក្រុម Liverpool ២០ពិន្ទុ ពិបាកប្រជែងយកលេខ១ ហើយបើក្រុមលេខ៣ Leicester City វិញ ចាញ់ពិន្ទុពួកគេ៩ពិន្ទុឯណោះ។ ដូច្នេះអាចនិយាយបានថាលេខ២ របស់ Man City អាចធានាបានដល់ចប់រដូវកាល៕ប្រភព Dailymail