ក្លិប Leicester City ដែលស្ថិតក្នុងក្របខ័ណ្ឌ English Premier League គ្រោងនឹងបញ្ចប់កិច្ចពិភាក្សាលើការចុះព្រមព្រៀងមួយសម្រាប់ខ្សែបម្រើ ថៃ – បារាំង Thanawat Suengchittawon ពីក្លិប AS Nancy ។នេះបើយោងតាមរបាយការណ៍ពី Get France Football News ។
ខ្សែបម្រើវ័យ ២០ ឆ្នាំរូបនេះមិនទាន់បង្ហាញខ្លួនសម្រាប់ក្រុមឈុតធំរបស់ក្លិប Nancy នៅឡើយទេ ទោះបីជាពេលខ្លះ កីឡាកររូបនេះបានធ្វើជាប្រធានក្រុមរបស់ឈុតបម្រុងរបស់ក្លិបក៏ដោយ។ កិច្ចសន្យារបស់គាត់ជាមួយក្លិប AS Nancy នឹងត្រូវផុតកំណត់នៅថ្ងៃទី ៣០ ខែមិថុនានេះ Leicester នឹងអាចចុះហត្ថលេខាលើខ្សែបម្រើរូបនេះក្នុងការផ្ទេរដោយឥតគិតថ្លៃ។
Thanawat ក៏ធ្លាប់បង្ហាញខ្លួនឲ្យក្រុមជម្រើសជាតិបារាំងនៅកម្រិត U16 និង U17 ហើយកីឡាករលេងក្នុងតំបន់បម្រើរូបនេះអាចប្រើប្រាស់ជើងទាំងពីរបានល្អ៕