នៅទឹកដី Goodison Park កាលពីយប់មិញ បានមានការប្រកួតដ៏ពិសេសមួយរវាងក្លឹប Everton និង Liverpool ដោយបញ្ចប់ទៅនាលទ្ធផល ០-០។
អវត្តមាន Mo Salah ត្រូវបានគេមើលឃើញថាជាចន្លោះប្រហោងរបស់ហង្ស ដែលមិនអាចស្វែងរកជ័យជម្នះនៅជុំទី ៣០ នេះ។ បើក្រឡេកទៅមើលការដាក់ពិន្ទុពី WhoScored ក៏មិនមានឈ្មោះកីឡាកររបស់លោក Klopp ដែលឈ្នះ MOTM នោះដែរ។
ផ្ទុយទៅវិញគឺជាខ្សែការពារ Holgate របស់ក្លឹប Everton ដែលបាន ៧,៧ ពិន្ទុ ខណៈ Van Dijk អ្នកបន្ទាប់បាន ៧,៥ ពិន្ទុ ហើយ Alisson ក៏ធ្វើបានល្អមាន ៧,៣ ពិន្ទុក្រោយសង្រ្គោះបាល់ ៣ លើកស្មើដៃ Pickford។
បញ្ជាក់ថាការរបូត ២ ពិន្ទុបានបន្ថយគម្លាតហង្សឲ្យនាំមុខ City ត្រឹម ២៣ ពិន្ទុ (ប្រកួតមុន ១ ជុំ) ខណៈដែលមេឃខៀវនៅជុំទី ៣០ នេះត្រូវតតាំង Burnley មានផ្សាយផ្ទាល់លើទំព័រ CTS Sports៕
ប្រភព៖ WhoScored