Chelsea បានយកឈ្នះលើក្រុម Aston Villa ក្នុងលទ្ធផល ២-១ នាការប្រកួតក្របខណ្ឌ English Premier League នៅយប់មិញនេះ។
ក្នុងការប្រកួតនេះដែរ Aston Villa ជាអ្នកនាំមុខមុននៅចុងតង់ទី១ ដោយ Hause ធ្វើបានសម្រេច១គ្រាប់នៅនាទី៤៣។ ឈានចូលដល់តង់ទី២វិញ ក្រោយពីក្រុម Chelsea ប្ដូរ Pulisic ចូលនៅនាទី៥៥ ស្រាប់តែកីឡាករអាមេរិករូបនេះរកបាន១គ្រាប់នៅនាទី៦០ ជួយក្រុមតោខៀវតាមស្មើបានតែម្ដង។ ២នាទីបន្ទាប់មកទៀត ក៏ស្រាប់តែ Giroud រកបាន១គ្រាប់បន្ថែមទៀត ជួយក្រុម Chelsea ទទួលបានជ័យជម្នះក្នុងលទ្ធផល ២-១ ។
ក្រោយពីចប់ការប្រកួតនេះទៅ លោក Lampard ដែលជាអ្នកចាត់ការក្រុម Chelsea បានមើលឃើញថាការប្រកួតមានការប្រែប្រួលខ្លាំងនៅពេលដែលលោកប្ដូរ Pulisic ចូល។ Lampard មើលឃើញថាខ្សែបម្រើប្រយុទ្ធរូបនេះ ស្រែកឃ្លានក្នុងការប្រកួត ស្វែងរកគ្រាប់បាល់ខ្លាំង។ រូបគេនឹងក្លាយជាកីឡាករសំខាន់ក្នុងក្រុមតោខៀវមិនខាន នាពេលអនាគត៕ប្រភព Bbc
