ក្រោយពីក្រុម Real Madrid បានយកឈ្នះលើក្រុម Real Sociedad ២-១ នៅយប់មិញនេះ មានមតិជាច្រើនយល់ឃើញថាក្រុមអាជ្ញាកណ្ដាលបានជួយដល់ក្រុមអធិរាជសសម្រាប់ការប្រកួតនេះ។
តែសម្រាប់មតិទាំងអស់នោះ ត្រូវបានលោក Zidane អ្នកចាត់ការក្រុម Real Madrid ច្រានចោល ហើយអះអាងថាលទ្ធផលទទួលបានជ័យជម្នះកន្លងមកនេះ គឺកើតចេញពីការខិតខំប្រឹងប្រែងរបស់កូនក្រុមទាំងមូល។ បុរសជនជាតិបារាំងរូបនេះ និយាយថា៖ “និយាយពីរឿងអាជ្ញាកណ្ដាលធ្វើឱ្យរំខានដល់ខ្ញុំណាស់។ វាដូចជា ក្រុម Real Madrid នេះ មិនបានធ្វើអ្វីសោះនៅលើទីលាន ដោយចាំតែអាជ្ញាកណ្ដាលជួយអីចឹង។ យើងខំប្រឹងលើទីលាន ហើយឈ្នះជាលទ្ធផលនៃការខំប្រឹងរបស់យើង”។
ក្រុម Real Madrid បានហក់ឡើងទៅកំពូលតារាង La Liga ហើយ ក្រោយពីទទួលបាន៣ពិន្ទុបន្ថែមកាលពីយប់មិញនេះ។ ការឡើងទៅនេះដែរ គឺដោយសារតែ La Liga គិតរូបមន្ដ Head-to-Head ៕ប្រភព Marca
