ក្រុម Liverpool លេងបានត្រឹមស្មើក្រុម Everton ក្នុងលទ្ធផល ០-០ ប៉ុណ្ណោះ ក្នុងការប្រកួតពានរង្វាន់ English Premier League កាលពីយប់មិញនេះ។
សម្រាប់ការប្រកួតនៅយប់មិញនេះ ក្រុមហង្សក្រហមហាក់ដូចជាមិនទាន់លេងល្អដូចដើមនោះទេ។ តែអ្វីដែលពួកគេមាននោះ គឺអ្នកចាំទីឆ្នើមម្នាក់ដែលបានជួយក្រុមយក១ពិន្ទុពីក្រុម Everton បាន។ ម្ចាស់ផ្ទះ Everton ហាក់ដូចជាធ្វើបានល្អក្នុងការប្រកួតនេះ ដោយមានឱកាសស្វែងរកគ្រាប់បាល់ច្រើន តែគួរឱ្យស្ដាយពួកគេមិនអាចទម្លុះសំណាញ់ទីរបស់ Alisson ឡើយ។
លោក Klopp អ្នកចាត់ការក្រុម Liverpool លើកសរសើរដល់អ្នកចាំទីរបស់ខ្លួនជាខ្លាំង ព្រោះជាអ្នកសង្គ្រោះក្រុមក្នុងការប្រកួតនេះ។ អ្នកចាត់ការសញ្ជាតិអាល្លឺម៉ង់ បាននិយាយថា៖ “គាត់ជាអ្នកចាំទីល្អ បំផុតនៅលើលោកនេះ។ មានគាត់៩០នាទី យើងមានទំនុកចិត្ត។ វាមានរឿងជាច្រើន ប្រសិនបើចង់និយាយពីគាត់។ គាត់ជួយយើងបានច្រើន”៕ប្រភព Dailymail