ខ្សែប្រយុទ្ធ Anthony Martial ចង់រកក្លឹបថ្មី ដើម្បីបានជម្រើស១១នាក់ដំបូងគ្រប់ប្រកួត ក្រោយពីរូបគេមិនសូវបានចូលលេងឡើយនៅបិសាចក្រហមប៉ុន្មានរដូវកាលមកនេះ។
Martial ជាកីឡាករវ័យក្មេងម្នាក់ក្នុងក្រុមបិសាចក្រហម ហើយតែងតែបានចូលលេងជានិច្ច។ ដោយឡែក មួយរយៈចុងក្រោយនេះក្រោមការដឹកនាំរបស់លោក Jose Mourinho រូបគេហាក់ដូចជាបាត់បង់តំណែងជម្រើស១១នាក់ដំបូងបាត់ទៅហើយ ដោយភាគច្រើនបានត្រឹមចូលលេងត្រឹមវគ្គទី២អីប៉ុណ្ណោះ។ ហេតុដូច្នេះហើយ បានជាលោក Philippe Lamboley ភ្នាក់ងារទីផ្សាររបស់គេ បានបញ្ជាក់ថាសាមីខ្លួនកីឡាករចង់ចាកចេញពី Old Trafford ហើយ ដើម្បីរកកន្លែងថ្មីបានចូលលេងរហូត។
ខ្សែប្រយុទ្ធវ័យ២២ឆ្នាំខាងលើនេះ ចូលលេងឱ្យក្លឹប Manchester United តាំងពីឆ្នាំ២០១៥កន្លងទៅ ដោយផ្ទេរមកពីក្លឹប Monaco ក្នុងតម្លៃខ្លួន៥៨លានផោន កុងត្រារយៈពេល៤ឆ្នាំ។ នេះមានន័យថា រូបគេនៅសល់កុងត្រាតែ១រដូវកាលទៀតប៉ុណ្ណោះជាមួយក្រុមបិសាចក្រហម។ ប្រសិនបើរូបគេមិនព្រមតកុងត្រា ឬក្លឹបចង់លក់នោះ អាចនឹងដំណើរផ្ទេរចេញនៅរដូវកាលនេះតែម្ដង៕ប្រភព៖ DailyMail
