Chonburi កំណត់ថ្ងៃត្រឡប់​មកហ្វឹកហាត់​ឡើង​វិញ​ត្រៀម Thai League 1

Chonburi ដែលកំពុងទន្ទឹងរង់ចាំការវិលត្រឡប់មក​ប្រកួត​ប្រជែងក្នុងលីគកំពូលថៃ បានសំរេចចិត្តចាប់ផ្តើមហ្វឹកហាត់ឡើង​វិញ ​មុន​ពេលគម្រោង​បើក​លីគចាប់​ផ្ដើមនៅ​ខែ​កញ្ញា។

រាល់សកម្មភាពបាល់ទាត់ទាំងអស់នៅប្រទេសថៃ ត្រូវបានបញ្ឈប់កាលខែមីនាដោយសារការផ្ទុះឡើងនៃមេរោគ Covid-19 ហើយការប្រកួតលីកក្នុងស្រុកគ្រោងនឹងបន្តនៅថ្ងៃទី ១២ ខែកញ្ញាខាងមុខនេះ។ មុន​កូវីដមក​ដល់! ក្រុមឆ្លាមសមុទ្រមួយ​នេះស្ថិតក្នុងចំណាត់ថ្នាក់លេខ ៩ ដោយមាន ៦ ពិន្ទុពីការឈ្នះពីរប្រកួតនិងចាញ់​២ប្រកួត។

អ្នកចាត់ការទូទៅក្រុម Chonburi លោក Sasin Singtothong បាននិយាយកាលថ្ងៃព្រហស្បតិ៍ម្សិលមិញនេះថាក្រុមនឹងចាប់ផ្តើមហ្វឹកហាត់នៅថ្ងៃទី ៣០ ខែមិថុនានេះ​ហើយ​មុន​ពេល​កាល​វិភាគ​ហ្វឹកហាត់​ដាក់ឲ្យជំនួសនៅពាក់កណ្តាលខែក្រោយ។

“យើងមានការប្រជុំមួយ ហើយអ្នករាល់គ្នាបានយល់ព្រមចាប់ផ្តើមនៅថ្ងៃទី ៣០ ខែមិថុនា ដើម្បីអនុញ្ញាតឱ្យកីឡាករមានកាយសម្បទារឹងមាំឡើងវិញ” ។

ភ្ជាប់ទំនាក់ទំនងជាមួយ CTS SPORT